گرووپی سرایا ئەولیائولدەم بەرپرسیارێتی هێرشەکەی هەولێری گرتە ئەستۆ
بەشی عێراق و هەرێمی کوردستان- گرووپی چەکداریی سرایا ئەولیائولدەم بەرپرسیارێتی خۆی لە هێرشە مووشەکییەکانی سەر هەولێر ڕاگەیاند.
بەپێی هەواڵی کوردپرێس، سرایا ئەولیائولدەم کە گرووپێکی چەکدارییە ڕایگەیاند، بەسەرکەوتووی توانیویانە کاتژمێر 9:15 خولەکی شەوی دوو شەممە، 24 مووشەک ئاڕاستەی شاری هەولێر بکەن بەدووری حەوت کیلۆمەتر، ئامانجەکەیان پێکاوە و شکستیان بە سیستمی C-RAMی دژە مووشەکی هێناوە.
ئاماژە بۆ ئەوەش دەکەن، "زیانی زۆری ماددیان لە کۆگا و فڕۆکەکانی وڵاتانی داگیرکەر داوە و جگە لەوانەش مووشەکەکان چەند بریندارێکی لێکەوتووەتەوە کە سەرجەمیان لە ڕیزی هێزە داگیرکەرەکان بوون".
کۆدی هەواڵنێر: 60113
بۆچوونی بەکارهێنەران