تەقینەوەی بۆمب لە دەوربەری کەرکووک 3 کوژراو و یەک برینداری لێکەوتەوە
بەشی عێراق و هەرێمی کوردستان- تەقینەوەى بۆمبێکى چێندراو بە یەکەیێکى سوپاى عێراقدا لە قەزاى داقوق، سێ کوژرا و بریندارێکی لێکەوتەوە.
کوردپرێس:
تەلەڤزیۆنی ئێن ئاڕ تی ڕایگەیاند، بۆمبێکى چێنراو بە ئۆتۆمبێلێکى جۆرى هەمەرى لیواى ٤٥ سەربە فیرقەى ١١ى سوپاى عێراقدا تەقیوەتەوە و لە ئەنجامدا ئەفسەرێک بە پلەى مولازم و دوو سەرباز کوژراون و سەربازێکى دیکەش برینداربووە.
باسى لەوەشکردووە، تەقینەوەکە لەنێوان هەردوو گوندی قەهارە و خاشە لەسنوری ئەو قەزای رویداوە.
هەرچەندە لە ساڵى ٢٠١٧ هێزەئەمنییەکانى عێراق سەرکەوتنیان بەسەر داعش راگەیاند، بەڵام لە چەندین ناوچەى عێراق بە تایبەت ناوچە جێناکۆکەکانى نێوان بەغدا و هەرێم ناوەناوە پاشماوەکانى داعش هێرش دەکەنە سەر هێزە ئەمنییەکان و هاوڵاتیان.
بۆچوونی بەکارهێنەران