پێوەندیی تەلەفونیی وەزیری دەرەوەی تورکیا لەگەڵ سەرۆکی حکوومەتی هەرێمی کوردستان
بەشی عێراق و هەرێمی کوردستان- وەزیری دەرەوەی تورکیا لە پێوەندییێکی تەلەفونیدا گفتوگۆی لەگەڵ مەسروور بارزانی کرد و پەیامی سەرەخۆشیی وڵاتەکەی بەبۆنەی کۆچی دواییی پارێزگاری هەولێرەوە ڕاگەیاند.
کوردپرێس:
ڕۆژی یەكشەممە 2020/11/22 مەسروور بارزانی، سەرۆكی حكوومەتی هەرێمی كورستان، پەیوەندییەكی تەلەفۆنی لە مەولوود چاوشئۆغلو وەزیری دەرەوەی توركیا پێگەیشت.
وەزیری دەرەوەی توركیا، پرسە و سەرەخۆشی لە سەرۆكی حكومەت كرد بۆ كۆچی دواییی خوالێخۆشبوو د. فرسەت سۆفی، پارێزگاری هەولێر و خوالێخۆشبوو شێخ مەحموود شێخ عەبدوڵڵا بارزانی كەسایەتی ناسراوی دەڤەری بارزان و هاوخەمیی خۆی دەربڕی.
سەرۆكی حكوومەتی هەرێمی كوردستان سوپاسی وەزیری دەرەوەی توركیای كرد بۆ پەیوەندی و هاوخەمییان.
لە تەوەرێكی دیكەی پەیوەندییەكەدا، گفتوگۆ دەربارەی پەیوەندی و هەماهەنگی هەردوو لا كرا بۆ ڕووبەڕووبوونەوەی ڤایرۆسی كۆرۆنا و ئاڵۆگۆڕكردنی شارەزایی تەندروستی لەو بوارەدا.
بۆچوونی بەکارهێنەران