میدحەت سنجار لە وەڵامی مراڵ ئاکشنەردا:
ئەوەی کە دەبنە زمانحاڵی دەسەڵات و هەڵدەکوتنە سەر هەدەپە نیشانەی داماویتانە
بەشی تورکیا- هاوسەرۆکی هەدەپە لە وەڵامی وتەکانی مراڵ ئاکشنەردا دەڵێت کاتێک ئەوان دەبنە زمانحاڵی دەسەڵات و هێرش دەکەنە سەر هەدەپە بۆمان دەردەکەوێت کە تووشی داماوی و بێدەسەڵاتی بوون.
کوردپرێس:
میدحەت سنجار هاوسەرۆکی پارتی دیموکراتیکی گەلانی تورکیا لە وەڵامی وتەکانی مراڵ ئاکشنەری سەرۆکی ئیی پارتدا دەڵێت گوتاری ئاکشنەر هەمان گوتاری دەسەڵات و حکوومەتە و ئەوەش نیشانەی داماوی و بێدەسەڵاتیی ئەوانە.
سەرۆکی ئیی پارت لە لێدوانێکیدا گوتبووی هەدەپە یەکسانە لەگەڵ پارتی کریکارانی تورکیا (پەکەکە)، هاوسەرۆکی هەدەپەش لە وەڵامی ئەو وتەیەدا لە دانیشتنێکی فراکسیۆنی هەدەپە لە پەرلەمانی تورکیا گوتی: هەدەپە ڕاست لە نێو دڵی خەڵکدایە و لەو شوێنەیە کە ژیانی یەکسان و ئایندەی دیموکراتیک و ئازادیی لێیە.
بۆچوونی بەکارهێنەران