کاروان گەزنەیی: یەکێتی پابەندە هاوپەیمانێتییەکەی لەگەڵ نەوەی نوێ
وتەبێژی یەکێتی رایگەیاند، یەکێتی پابەندە هاوپەیمانێتییەکەی لەگەڵ نەوەی نوێ، دەشڵێت، هەندێک دەیانەوێت کێشە و گرفت بۆ هاوپەیمانێتییکەمان دروست بکەن.
بەپێی هەواڵی کوردپرێس، کاروان گەزنەیی، وتەبێژی یەکێتی نیشتیمانی کوردستان لەکۆنگرەیەکی رۆژنامەوانیدا ئاماژەی بەوەکرد: "کۆبوونەوەی ئەرێنی هەبووە لەنێوان قوباد تاڵەبانی و مەسروور بارزانی کراوە، بەڵام بەهیچ جۆرێک رێککەوتن نەکراوە و باسی هیچ پۆستێک لەبارەی حکوومەتی داهاتوو نەکراوە".
ئەوەشیخستەڕوو: "یەکێتی سورە لەسەر بەڵێنەکانی کە لەبانگەشەی هەڵبژاردن و کۆبوونەوە و لێدوانەکان بە خەڵکی کوردستانمان داوە لەوەی دەمانەوێت هاوسەنگی هێز بگێڕینەوە، کە گەڕاندومانەتەوە، دەرگای گفتوگۆشمان کراوەیە".
لەبارەی رێککەوتنی یەکێتی و نەوەی نوێ، کاروان گەزنەیی وتیشی: "رێککەوتنمان کردوەو جێبەجێی دەکەین".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران