كوشتنی كاندیدەكەی هاوپەیمانی سیادە كردەوەیەكی تیرۆرستییە
بەپێی هەواڵی کوردپرێس، مەحموود مەشهەدانی، سەرۆكی پەرلەمانی عێراق لە بەیاننامەیەكدا ڕایگەیاندووە: سەفا مەشهەدانی، کوڕی دڵسۆزی دەسەڵاتی دادوەری و کاندیدی ناو هاوپەیمانییەکەمان، هاوپەیمانی سیادە، سەرلەبەیانی ئەمڕۆ لە ئەنجامی كردنە ئامانجی لەڕێی بۆمبێكی چێنراو لەگەڵ دوو هاوەڵی تری شەهید بوو.
مەشهەدانی كردەوەكە بە تیرۆریستی ناودەبات و داوا لە حکوومەت و دەزگا ئەمنییە پەیوەندیدارەکان دەکات رێوشوێنی لێکۆڵینەوەی پێویست بگرنەبەرو لیژنەیەک پێکبهێنن بۆ بەدواداچوون بۆ ئەو تاوانە قێزەونەو دەستنیشانکردنی تاوانباران و دادگایی کردنیان بۆ ئەوەی سزای خۆیان وەربگرن.
سەرۆكی پەرلەمانی عێراق ئاماژەی بەوەش كردووە: ئەنجومەنی نوێنەران لیژنەیەکی لێکۆڵینەوە پێکدەهێنێت بۆ لێکۆڵینەوە لە هەلومەرجی ئەو ڕووداوە تیرۆریستییە، کە کەسایەتییەکی نیشتمانی و کۆمەڵایەتی کردە ئامانج و هەموو ئەو کەسانەی تێوەگلاون ڕووبەڕووی یاسا دەکرێنەوە.
بۆچوونی بەکارهێنەران