هادی عەلی:
هەرێمی کوردستانیان کردۆتە بازاڕی ساخکردنەوەی هەموو جۆرە بەرنامەیێکی نەخوازراو
یاریدەدەری ئەمینداری گشتیی یەکگرتووی ئیسلامیی کوردستان ڕایده‌گه‌یێنێت: "دەسەڵاتداران هەرێمی کوردستانیان کردوه‌تە بازاڕی ساخکردنەوەی هەموو جۆرە بەرنامەیەکی نەخوازراو".
بەپێی هەواڵی کوردپرێس، هادی عەلی یاریدەدەری ئەمینداری گشتیی یەکگرتووی ئیسلامیی کوردستان لە تۆڕی (ئێکس) نووسیویەتی: "لایەنە دەسەڵاتدارەکانی هەرێم لەماوەی ۳۰ ساڵەی حوکمڕانیاندا، لەڕووی ئابووریەوە هەرێمەکەیان کردوه‌تە بازاڕێکی بەکاربەر و هاوکات ساخکردنەوەی هەموو جۆرە کاڵا و کەلوپەلی هاوردە و دەرمانی ئێکسپایەری وڵاتانی دوور و نزیک با خراپترین کوالێتیشی هەبێت".
ناوبراو ده‌شڵێت: "لەڕووی فەرهەنگی و پەروەدەیی و کۆمەڵایەتیشەوە هەرێمەکەیان کردوه‌تە بازاڕی تاقیکردنەوە و ساخکردنەوەی هەموو جۆرە بەرنامەیێکی نەخوازراوی پەروەدەیی هاوردە و داب و نەریتی دژبە شوناس و ئایینی زۆرینەی گەلەکەمان و نامۆ بەکولتوری ڕەسەن و مێژویی کوردەواری، لەژێر پەردەی بەناو پێشکەوتن و پێکەوەژیان و کرانەوەی نازانستیدا".
#کوردپرێس
#کورد
#کوردستان
#حکوومەتی هەرێمی کوردستان
#یەکگرتووی ئیسلامیی کوردستان
#دەسەڵاتی سیاسی
#هادی عەلی
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران