سەرەڕای ڕاگەیاندنی ئاگربەست:
لە سێ ڕۆژدا تورکیا زیاتر لە ٥٠٠ جار پێگەکانی PPKی بۆردوومان کرد
هەپەگە ڕایگەیاند، لە سێ ڕۆژدا فڕۆکە شەڕکەرەکانی تورکیا ٥٢٦ جار لە ئاسمان و زەوییەوە پێگەکانی پەکەکەی بۆردوومان کردووە.
بەپێی هەواڵی کوردپرێس، ناوەندی ڕاگەیاندن و چاپەمەنیی هێزەکانی پاراستنی گەل سەبارەت بە بەردەوامی هێرشەکانی سوپای تورکیا وێرای ئاگربەستی پارتی کرێکارانی کوردستان ڕاگەیاندراوێکی بڵاوکردەوە.
لە ڕاگەیاندراوەکەی هەپەگەدا هاتووە: " ٢٥ـی ئادار لە هەرێمی شەهید دەلیلی ڕۆژئاوای زاپ دوو جار بە تەقەمەنی قەدەغەکراو بۆردووامان کراوە، ٢٦ و ٢٧ـی ئادار فڕۆکە جەنگییەکانی دەوڵەتی تورک شەش جار هەرێمی گارەیان بۆردوومان کردووە".
ئاماژە بەوەش دراوە: "٢٦و ٢٧ـی ئادار لە هەرێمی خاکورک، هەرێمی گارە، هەرێمی مەتینا، هەرێمی شەهید دەلیلی ڕۆژئاوای زاپ؛ بەگشتی ٥١٨ جاران بە چەکی قورس، تۆپ و هاوەن بۆردوومان کراون".
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران