عەلی قەرەداغی:
حەماس لەگەڵ دڕندەترین و پیسترین دوژمندا دەجەنگێ
بەشی جیهان- سەرۆکى یەکێتى جیهانى زانایانى موسڵمان ڕایگەیاند: شەهیدبوونى ئیسماعیل هەنییە نەوەیەکى نوێ دێنێتە بەرهەم کە زیاتر پابەند و گەرمە لەسەر دۆزە ڕەواکەیان.
بەپێی هەواڵی کوردپرێس، عەلی قەرەداغی سەرۆکى یەکێتى جیهانى زانایانى موسڵمان لەبارەى شەهیدبوونى ئیسماعیل هەنییە سەرۆكی حەماس بەیاننامەیەکی بڵاو کردەو و تیایدا هاتووە: شەهیدبوونى سەرۆکى بزووتنەوەى حەماس ئیسماعیل هەنیە، لە بازنەى جەنگ و تێکۆشانى چەند دەیەى ڕابردووى گەلى فەلەستین و رێکخراوى داگیرکەرى تیرۆریستدا شتێکى چاوەڕوان بوو.
ناوبراو ئاماژەی بەوەش كرد، چوونکە بزووتنەوەى حەماس لەگەڵ دڕندەترین و پیسترین دوژمندا دەجەنگێ.
لە بەیاننامەکەى سەرۆکى یەکێتى جیهانى زانایانى موسڵماندا هاتووە: شەهیدبوونى ئەم سەرکردەى حەماس نەوەیەکى نوێ دێنێتە بەرهەم کە زیاتر پابەند و گەرمە لەسەر دۆزە رەواکەیان و ئەمەش وا دەکات بزووتنەوەى حەماس بەهێزتر و سوورتر و پێداگرتر بێت.
بۆچوونی بەکارهێنەران