مەسعوود بارزانی بۆ باڵیۆزی بەریتانیا:
لەگەڵ حکوومەتی عێراق هەموو هەوڵێک دەدەین بۆ چارەسەر کردنی کێشە هەڵپەسێردراوەکان
بەشی عێراق و هەرێمی کوردستان- سەرۆکی پارتی دیموکرات لەگەڵ باڵیۆزی بەریتانیا کۆبوویەوە و باسی لە قۆناغە جیاجیاکانی مێژووی پێوەندییەکانی نێوان هەرێمی کوردستان و عێراقی فیدراڵ کرد.
بەپێی هەواڵی کوردپرێس، ئەمڕۆ سێشەم ۱۰ی تشرینی یەکەم، لە سەڵاحەدین مەسعوود بارزانی پێشوازیی لە ستیڤن هیگن باڵوێزی بەریتانیا لە عێراق و شاندێکی یاوەری کرد.
لەو دیدارەدا سەرۆکی پارتی دیموکراتی کوردستان ڕۆشنایی خستەسەر قۆناغە جیاجیاکانی مێژووی پێوەندییەکانی نێوان هەرێمی کوردستان و عێراقی فیدراڵ و دەستوور و ڕێککەوتنە سیاسییەکان. ئەوەی دووپات کردەوە کە لەگەڵ حکوومەتی عێراقی و سەرۆک وەزیران سوودانی، هەموو هەوڵێک دەدەن بۆ ئەوەی لە چوارچێوەی دەستوور و لە ڕێی دیالۆگ و لێکتێگەیشتنەوە، کێشەکان چارەسەر بکرێن.
لە بەشێکی تری ئەو دانیشتنەدا بیروڕا لەبارەی بارودۆخ و پێشهاتە سیاسییەکانی ناوخۆی هەرێمی کوردستان ئاڵوگۆڕ کرا.
بۆچوونی بەکارهێنەران