کارەساتێکی دیکە لە ڕێگاکانی کوردستانی تورکیا ڕوویدا:
وەرگەڕانی پاسێک ۲۹ کوژرا و برینداری لێکەوتەوە
بەشی تورکیا- لە پارێزگای قەرسی کوردستانی تورکیا پاسێک وەرگەڕا و بەپێی ئامارە بەراییەکان، ۷ کەس گیانیان لەدەستداوە و ٢٢ی دیکەیش برینداربوون.
بەپێی هەواڵی کوردپرێس، ئاژانسی ئانادۆڵو بڵاوی‌کردەوە: "رووداوەکە لەسەر رێگای ئەرزەڕۆم-قەرس لە نزیک گوندی کاراکورت سەر بە قەزای ساریقامش روویداوە و پاسەکە کە گەشتی نێوان بورسا-قەرسی ئەنجامداوە دوای ئەوەی شۆفێرەکەی کۆنترۆڵی لەدەستداوە، وەرگەڕاوە".
دوای ئاگادارکردنەوەی لایەنی پەیوەندیدار، تیمەکانی تەندروستیی، ئاگرکوژێنەوە، ئافاد و جەندرمە رەوانەی شوێنەکە کران.
پاسەکە لە بەرزایی ٥٠ مەترەوە کەوتووەتە خوارەوە و بەهۆیەوە حەوت کەس گیانیان لەدەستداوە و ٢٢ی دیکەیش برینداربوون.
دوای گەیشتنی تیمەکان و دەرهێنانی بریندارەکان لە دوای فریاگوزاریی بەرایی گواسترانەوە بۆ نەخۆشخانەکانی ئەرزەڕۆم و قەرس.
یەکێک لە بریندارەکان کە باری تەندروستیی ناجێگیر بوو، بە هێلیکۆپتەر گواسترایەوە بۆ نەخۆشخانە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران