مەسروور بارزانی:
رێککەوتنی هەولێر و بەغدا بناغەیە و هەمووان دەبێت ڕێزی لێ‌بگرن
بەشی عێراق و هەرێمی کوردستان- سەرۆکی حکوومەتی هەرێمی کوردستان ڕایگەیاند گرووپێکی لیژنەی دارایی پەرلەمانی عێراق، چەند گۆڕانکارییەکیان خستووەتە پرۆژەیاسای بوودجەی فیدراڵی، کە پێشێلکاریین بەرامبەر بەو رێککەوتنەی پێشتر کردوومانە.
بەپێی هەواڵی کوردپرێس، مەسروور بارزانی سەرۆكی حكوومەتی هەرێمی كوردستان لە هەژماری خۆیدا لە تویتەر بڵاوی كردەوە گرووپێکی لیژنەی دارایی پەرلەمانی عێراق، چەند گۆڕانکارییەکیان خستووەتە بڕگەکانی ۱۳ و ۱۴ی پرۆژەیاسای بوودجەی فیدراڵی، کە پێشێلکاریین بەرامبەر بەو رێککەوتنەی پێشتر لەگەڵ محەمەد شیاع سوودانی سەرۆکوەزیران و حکوومەتەکەی کردوومانە.
سەرۆكی حكوومەت ئەوەشی نووسیوە كە ئەو رێککەوتنە بناغەیە بۆ هەماهەنگیی هەولێر و بەغدا، دەبێ هەموولا ڕێزی لێ‌بگرن.
بۆچوونی بەکارهێنەران