جێنین پلاسخارت:
رێککەوتنەکەی هەولێر و بەغدا ھەنگاوێکی گرنگە و دەبێتە مایەی رێککەوتن لەسەر یاسای نەوت و غاز
بەشی عێراق و هەرێمی کوردستان- نێردەی نەتەوە یەکگرتووەکان بۆ عێراق خۆشحاڵی خۆی بە رێککەوتنەکەی نێوان ھەولێر و بەغدا لەبارەی دەستپێکردنەوەی ھەناردەکردنی نەوتی ھەرێمی کوردستان نیشان دا.
بەپێی هەواڵی کوردپرێس، جێنین پلاسخارت، نێردەی نەتەوە یەکگرتووەکان لە عێراق لەبارەی رێککەوتنەکەی نێوان ھەولێر و بەغدا سەبارەت بە دەستپێکردنەوەی ھەناردەکردنی نەوتی ھەرێمی کوردستان تویتێکی بڵاو کردەوە و نووسیوویەتی: "خۆشحاڵین بە رێککەوتی نێوان ھەولێر و بەغدا لەبارەی دەست پێکردنەوەی ھەناردەکردنی نەوتی ھەرێمی کوردستان".
ناوبراو راشیگەیاندووە کە رێککەوتنەکە، ھەنگاوێکی گرنگە و دەبێتە مایەی رێککەوتن لەسەر یاسای نەوت و غاز، هەروەها ئاسۆی ئابووریی عێراق پتەوتر دەکات.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران