هێرشێکی داعش بۆ سەر ناوچەی رەزوانییە لە عێراق 11 کوژراوی لێکەوتەوە
بەشی عێراق و هەرێمی کوردستان- چەکدارانی داعش لە ناوچەی رەزوانییە لە رۆژئاوای بەغدا هێرشیان کردە سەر خاڵێکی پاسەوانیی هێزەکانی حەشد و بەهۆیەوە 11 کەس کوژران.
بەپێی هەواڵی کوردپرێس، ئاژانسی فرانس پرێس بڵاوی کردەوە، لە هێرشەکەدا پێنج حەشدی عەشایری و شەش کەسی سڤیل کوژراون.
فرانس پرێس کە زانیارییەکانی لە سەرچاوە ئەمنی و تەندروستییەکانەوە وەرگرتووە، زانیاریی لەبارەی ژمارەی برینداران و زیانە ماددییەکان نەخستووەتەڕوو.
چەکدارەکانی داعش بە نارنجۆک هێرشیان کردووە و دواتر تەقەیان لە هێزەکانی حەشد کردووە. سەرچاوەیێکی تەندروستیش بە فرانس پرێسی راگەیاندووە، کە هەشت برینداری رووداوەکە بۆ نەخۆشخانەیێکی بەغدا گوێزراونەتەوە.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران