ژمارەی تووشبووانی کۆرۆنا لە هەرێمی کوردستان گەیشتە 35 هەزار و 983 حاڵەت
بەشی عێراق و هەرێمی کوردستان- وەزارەتی تەندروستیی حکوومەتی هەرێمی کوردستان ئاماری 24 کاژێری رابردووی تایبەت بە ڤایرۆسی کۆرۆنای بڵاو کردەوە و رایگەیاند، 574 تووشبووی دیکەی ڤایرۆسەکە تۆمار کراون.
بەپێی هەواڵی کوردپرێس، وەزارەتی تەندروستی لە راگەیێندراوەکەیدا ئاماژەی بەوە داوە، چوار هەزار و 530 پشکنیانیان بۆ دەستنیشان کردنی تووشبووانی نوێی ڤایرۆسەکە کردووە و 574یان ئەرێنی بوون.
لە راگەیێندراوەکەدا ئەوە خراوەتەڕوو کە 500 تووشبووی دیکەی ڤایرۆسەکە چاک بوونەتەوە و نێردراونەتەوە ماڵ.
وەزارەتی تەندروستی ئاشکرای کردووە کە 12 تووشبووی دیکەی ڤایرۆسی کۆرۆنا گیانیان لەدەست داوە.
تاوەکوو ئێستا لە هەرێمی کوردستان 35 هەزار و 983 کەس تووشی ڤایرۆسی کۆرۆنا بوون، لەو ژمارەیە 22 هەزار و 826 تووشبوویان چاک بوونەتەوە و هەزار و 320 تووشبوویش گیانیان لەدەست داوە.
کۆدی هەواڵنێر: 60113
بۆچوونی بەکارهێنەران