لە عێراق 1هەزار و 385 کەسی دیکە تووشی کۆرۆنا بوون
بەشی عێراق و هەرێمی کوردستان- وەزارەتی تەندروستیی عێراق رایگەیاند، 60 کەس لە ماوەی 24 کاژێری رابردوودا لە عێراق و هەرێمی کوردستان بە کۆرۆنا گیانیان لەدەست داوە، ئەمەش ژمارەیێکی پێوانەیی گیان لەدەست دانە کە تائێستا لە رۆژێکدا تۆمار کرابێت.
کوردپرێس: بەپێی راگەیێندراوی وەزارەتی تەندروستیی عێراق، لە 24 کاژێری رابردوودا 10 هەزار و 330 پشکنین کراون، ئەنجامی پشکنینی هەزار و 385 کەسیان پۆزەتیڤ بوون، کۆی پشکنینەکان لە عێراق و هەرێمی کوردستان گەیشتووەتە 390 هەزار و 335 پشکنین.
هاوکات 591 تووشبووی دیکەی ڤایرۆسی کۆرۆنا لە عێراق و هەرێمی کوردستان چاک بوونەتەوە.
60 تووشبووی دیکەی ڤایرۆسی کۆرۆناش لە 24 کاژێری رابردوودا لە عێراق و هەرێمی کوردستان گیانیان لەدەست داوە.
بەپێی ئامارەکانی وەزارەتی تەندروستیی عێراق، کۆی گشتیی تووشبووانی ڤایرۆسی کۆرۆنا لە عێراق و هەرێمی کوردستان گەیشتووەتە 22 هەزار و 700 تووشبوو، لەو ژمارەیەش نۆ هەزار و 862 کەسیان چاکبوونەتەوە و 712 کەسیش گیانیان لەدەست داوە.
کۆدی هەواڵنێر: 60113
بۆچوونی بەکارهێنەران