تورکیا زمانی عەرەبی لە شەقام و دووکانەکان ناهێڵێت
کوردپرێس:
سولەیمان سۆیلۆ وەزیری ناوخۆی تورکیا لە لێدوانێکدا ئاماژەی بە تابلۆ و نووسراوە عەرەبییەکانی سەر شەقام و کۆڵان و دووکانەکانی تورکیا کرد و ڕایگەیاند هەموو ئەو شتانەی بە زمانی غەیر تورکی نووسراون لە سەر شەقام و کۆڵان و دووکانەکان کۆ دەکرێنەوە.
ناوبراو گوتیشی هەمووان ناچارن یاساکەی ئێمە لەبەرچاو بگرن و ئەگەر کەس سەرپێچیی یاسا بکات ئەوا بە شێوەی پێویست مامەڵەی لەگەڵ دەکەین.
ناوبراو گوتیشی: "بۆ جاری یەکەم ڕایدەگەیەنم ئەوەی تابلۆ نووسراوی سەر شەقام و کۆڵان و دووکانەکانە و بە زمانی عەرەبی نووسراوە کۆیان دەکەینەوە. هەموو ئەم نووسراوانە دەبێت بە زمانی تورکی بن."
وەزیری ناوخۆی تورکیا زیادیشی کرد: "هەر کەسیش پێی خۆش بوو دەتوانێت بە کورتی شتێکی ورد لە ژێر نووسراوە تورکییەدا بە زمانی عەرەبی بنووسێت. ئەمەش خۆی هەڵگری ستاندەرێکە و هەر تابلۆ و نووسراوێک ئەو ستاندەرەی لەبەرچاو نەگرتبێت کۆ دەکرێتەوە."
بۆچوونی بەکارهێنەران