رووسیا: گرووپەکانی سەرەبە ئەمەریکا ڕێگرن لە بەردەم گەڕانەوەی دۆخی ئاسایی بۆ سووریا
کوردپرێس: بەپێی هەواڵێکی ئاژانسی سپۆتینک-ی رووسی، ناوەندی هەماهەنگکەری ڕووسیا و سووریا بۆ کاروباری کۆچبەران بە بڵاوکردنەوەی بەیاننامەیێک ڕایانگەیاندووە: "ئێمە داوا لەکۆمەڵگای جیهانی و ڕێکخراوی نەتەوە یەکگرتووەکان و ناوەندەکانی مافی مرۆڤ لە جیهان دەکەین، کە هەڵوێستێکی بنەڕەتیانەیان هەبێت و لە دەستێوەردانی ڕێکخراوی نەتەوەیەکگرتووەکان کەڵک وەربگرن تاهێزە نایاسایەکانی ئەمریکا کە پشتیوانی لە گرووپ و تاقمە چەکدارەکان لە سووریا دەکەن و ڕێگر لە بەردەم گەڕانەوەی دۆخی ئاسایی لە سووریان، لەم وڵاتە دەربچن".
بەپێی بەیاننامەکە، هەردوو وڵات هەروەها داوایان لە واشنتۆن کردووە کە سزا ئابوورییەکان لەدژی سووریا هەڵبوەشێنیتەوە و جەختیشیان کردووەتەوە، کە ئەم سنوورداریانە وایکردووە، کە دەرمان وکەرەستەی خاوی دەرمان دروستکردن، لەم وڵاتە دوچاری کێشە ببێتەوە.
کۆدی هەواڵنێر: 60113
بۆچوونی بەکارهێنەران