ئه‌نجومه‌نی ئاسایشی نه‌ته‌وه‌ییی توركیا جه‌خت له‌سه‌ر هه‌ڵوێسته‌که‌ی بۆ پاراستنی پێگه‌ی ئێستای ئیدلب ده‌کاته‌وه
به‌پێی هه‌واڵی کوردپرێس، ڕۆژی چوارشه‌ممه 30ی کانوونی دووهه‌می 2019 كۆبوونه‌وه‌ی ئه‌نجومه‌نی ئاسایشی نه‌ته‌وه‌ییی تورکیا له كۆشكی كۆماری به سه‌رۆكایه‌تیی ڕه‌جه‌ب ته‌ییب ئه‌ردۆغان ئه‌نجام درا و 5 كاتژمێری خایاند و دوای كۆتایی هاتنی كۆبوونه‌وه‌كه به‌یاننامه‌یێک ده‌ركرا.
له به‌یاننامه‌که‌ی ئه‌نجومه‌نی ئاسایشی نه‌ته‌وه‌ییی توركیادا هاتوووه: "جارێكی‌تر بانگه‌وازه‌كه‌مان دووپات ده‌كه‌ینه‌وه بۆ بڕینی پاڵپشتییه ده‌ره‌كییه‌كان له ئه‌ندامانی ڕێكخراوی تیرۆریستی و تیرۆریستان و جه‌خت كراوه‌ته‌وه له‌سه‌ر به‌رده‌وامی بوونی به‌هێزی بێ‌دابڕانی به‌ره‌نگاری ته‌واوی ڕێكخراوه تیرۆریستییه‌كان".
هه‌روه‌ها له به‌یاننامه‌كه‌ی ئه‌نجومه‌نی ئاسایشی نه‌ته‌وه‌ییی توركیادا ئاماژه‌ی به‌وه کراوه: "له چوارچێوه‌ی ئۆپه‌راسیۆنی به‌ره‌نگاری تیرۆردا له سنووره‌كانی باشوورمان بۆ ده‌سته‌به‌ركردنی ئاسایشی سنووری جه‌خت كراوه‌ته‌وه و وه‌ستان له‌سه‌ر ڕێوشوێنه ته‌واوكاره‌كان دژ به‌و كارانه‌ی هه‌وڵی تێكدانی خۆشگوزه‌رانی میلله‌ته‌كه‌مان ده‌دات له‌لایه‌ن ڕێكخراوه تیرۆریستییه‌كان، هاوكات به خۆشحاڵییه‌وه ده‌ڕوانینه كاری ته‌واوی داموده‌زگاكان كه له‌م باره‌یه‌وه هه‌وڵ و ته‌قه‌ڵای خۆیان داوه بێ كه‌موكورتی".
له كۆتاییدا ئه‌نجومه‌نی ئاسایشی نه‌ته‌وه‌ییی توركیا ره‌خنه له‌و وڵاتانه ده‌گرێ كه تیرۆریستانیان داڵده داوه و ده‌ڵێت: "ڕاده‌ست نه‌كردنه‌وه‌ی تۆمه‌تبارانی ڕێكخراوه تیرۆریستییه‌كان له لایه‌ن هه‌ندێک وڵاته‌وه قبووڵكراو نییه و پێویسته له چوارچێوه‌ی یاسا نێوده‌وڵه‌تییه‌كان و ڕێككه‌تننامه‌كان هه‌ڵسوكه‌وت بكرێت".
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
بۆچوونی بەکارهێنەران