لە سلێمانی پاڵاوگەیێکی نەوت و گاز ئاگری گرت
بەشی عێراق و هەرێمی کوردستان- لە تانجەرۆی سلێمانی پاڵاوگەیێکی نەوت و گاز ئاگری گرت.
بەپێی هەواڵی کوردپرێس، شایەتحاڵێک لە شوێنی رووداوەکە بە تۆڕی میدیایی رووداوی راگەیاند: "کاژێر 4:00ـی ئەمڕۆ شەممە 27-10-2018، پاڵاوگەیێکی نەفتا لە تانجەرۆ ئاگری گرت و سووتا، بەهۆی گەورەیی ئاگرەکەش تاوەکوو ئێستا نەتوانراوە کۆنترۆڵ بکرێت".
گوتەبێژی بەرگریی شارستانی هەواڵەکەی پشتڕاست کردەوە و گوتی: "تاوەکوو ئێستا زەرە و زیانەکانی نەزانراون و سەرقاڵی کۆنترۆڵ کردنی ئاگرەکەین".
بە پێی زانیارییە سەرەتاییەکان ئاگرەکە زیانی گیانی نەبووە و تەنها یەک کەس بریندار بووە و باری تەندروستی جێگیرە.
کۆدی هەواڵنێر: 60113
بۆچوونی بەکارهێنەران