كۆسره‌ت ڕه‌سول و به‌رهه‌م ساڵح دۆخی هه‌رێم و عێراق تاوتوێ ده‌كه‌ن
بەشی عێراق و هەرێمی کوردستان- ئه‌مڕۆ 27-10-2018، له شاری سلێمانی كۆسره‌ت ڕه‌سول عه‌لی جێگری سكرتێری گشتی یه‌كێتیی نیشتمانیی كوردستان پێشوازی له به‌رهه‌م ئه‌حمه‌د ساڵح سه‌رۆك كۆماری عێراق كرد.
بەپێی هەواڵی کوردپرێس، له دیداره‌كه‌دا كه ژماره‌یێک له ئه‌ندامانی مه‌كته‌بی سیاسی و سه‌ركردایه‌تی ئاماده‌ی بوون هیوای سه‌ركه‌وتنیان بۆ خواست له ڕاپه‌ڕاندنی پۆستی سه‌رۆک كۆماریی عێراق.
له دیداره‌كه‌دا گفتوگۆی چڕ كرا له‌باره‌ی پێكهێنانی حكوومه‌تی نوێی عێراق و به‌شداریی سه‌رجه‌م لایه‌نه كوردستانی و عێراقییه‌كان له‌و حكوومه‌ته و كار كردن بۆ سه‌رجه‌م پێكهاته و نه‌ته‌وه جیاوازه‌كانی عێراق.
به‌شێكی تری دیداره‌كه ته‌رخان كرا بۆ ڕۆڵی یه‌كێتی له گۆڕه‌پانی سیاسیی كوردستان و عێراق و هه‌موو لایێک هاوڕا بوون كه پێویسته یه‌كێتی ڕۆڵی كارای خۆی بگێڕێ له گۆڕه‌پانه‌كه‌دا.
گۆڕانكارییه‌كانی عێراق و ناوچه‌كه و ئه‌گه‌ره‌كانی به‌رده‌م كورد و عێراق له هاوكێشه‌كان گفتوگۆی ورد و جددی له‌باره‌وه كرا.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران