فازڵ بەرواری قارەمانی نەتەوەیی شەڕی دژی تیرۆریزم بوو
بەپێی هەواڵی کوردپرێس، حەسەن دانایی فەر باڵیۆزی پێشووی کۆماری ئیسلامیی ئێران لە بەغدا لە پەیامەکەیدا کە بە بۆنەی کۆچی دوایی فازڵ بەرواری بڵاوی کردەوە دەڵێت: فازڵ بەرواری قارەمانی نەتەوەیی شەڕی دژی تیرۆریزم بوو.
دەقی پەیامەکەی حەسەن دانایی فەر باڵیۆزی پێشووی کۆماری ئیسلامیی ئێران لە بەغدا بە بۆنەی کۆچی دوایی فەرماندەی هێزی زەهبی سوپای عێراق:
فازڵ بەرواری قارەمانی نەتەوەیی شەڕی دژی تیرۆریزم بوو
کۆچی دوایی لیوا و فەرماندەی فیرقەی زێرین سەر بە دەزگای نەهێشتنی تیرۆری سوپای عێراق بوو بە هۆی خەم و پەژارەمان.
لیوا فازڵ بەرواری فەرماندەی فیرقەی زێرین سەر بە دەزگای نەهێشتنی تیرۆری سوپای عێراق لە عەشیرەتی بەرواریی کوردستانی عێراق بوو و پیاوێکی پوختە بوو کە بە توانا و تایبەتمەندیی خۆیەوە نموونەی هێزێکی دڵسۆزی نیشتمانیی عێراق دەهاتە ئەژمار. هەموو هەوڵ و تێکۆشانی ئەو بۆ جێگیر کردنی ئاسایش و ئەمنیەت لە سیستەمی نوێی عێراقدا بوو، بە چەشنێک کە لە هەر گۆشەیێکی عێراق تیرۆریستەکان بوونیان ببوایێت خوالێخۆشبوو فازڵ و هێزەکانی وەکوو هێزی پێشەنگ بەرگرییان لە ئاسایشی عێراق دەکرد. ناکرێت ڕۆڵی ئەو لە لەناوبردنی تیرۆریستانی داعش لە سەرانسەری عێراقدا لەبەرچاو نەگیردرێت. دەتوانین بڵێین فازڵ بەرواری قارەمانی نەتەوەیی عێراق بوو. پرسە و سەرەخۆشیی خۆم بە بۆنەی کۆچی دوایی فازڵ بەرواریەوە ئاراستەی بنەماڵەی بەڕێزیان و عەشیرەتی کورد و عەرەب و حیزبە کوردستانییەکان، بە تایبەت پارتی دیمۆکراتی کوردستان دەکەم و داوا دەکەم خودای گەورە ئەو فەرماندە بوێرە بەڕەحمەت بکات.
حەسەن دانایی فەر- باڵیۆزی پێشووی کۆماری ئیسلامیی ئێران لە بەغدا
کۆدی هەواڵنێر: 60113
بۆچوونی بەکارهێنەران