فڕۆکەکانی تورکیا بە توندی بۆردومانی بناری قەندیل دەکەن
بەشی عێراق و هەرێمی کوردستان- پیشنیوەڕۆی ئەمڕۆ ھەینی فڕۆکە جەنگییەکانی تورکیا جارێکی تر بناری قەندیل و هەردوو ناحیەی وەرتێ و قەسرێیان بۆردومان کرد.
بەپێی هەواڵی کوردپرێس، بۆردومانەکە گوندەکانی سەرگەلی و بۆکریسکان و چیای قەندیلی گرتەوە و زیانی بە ڕەز و باخ و پوش و پاوانی ناوچەکە گەیاندووە.
هاوکات لە سنوورى بەڕێوەبەرایەتى ناحیەى وەرتێ بۆردومانى زینى وەرتێ و چیاى بێرمکە و دەرەداسى کرد، کە ژمارەیێکى زۆرى ڕەوەند لەوێ نیشتەجێن و بۆردومانەکە لە نزیک ڕەشماڵى ڕەوەندەکانەوە بووە.
هەروەها لە سنوورى ناحیەى قەسرێ بۆردومانى چیاى کەڵەکێ باڵەیانى کرد لەدۆڵى باڵەییان.
ماوەیەکە تورکیا بۆردومانەکانی لەنێو خاکی ھەرێمی کوردستان چڕکردووتەوە و حکوومەتی هەرێم جەخت دەکاتەوە بۆ کۆتایی هێنان بەو هێرشانە پەکەکە دەبێت هەرێمی کوردستان چۆڵ بکات.
کۆدی هەواڵنێر: 60113
بۆچوونی بەکارهێنەران