نوێنەری پێشووی ئیئتیلافی دەوڵەتی یاسا لە پەرلەمانی عێراق:
سەرۆک وەزیرانی نوێی عێراق پاش جەژنی قوربان دیاری دەکرێت
بەشی عێراق و هەرێمی کوردستان- نوێنەری پێشووی ئیئتیلافی دەوڵەتی یاسا لە پەرلەمانی عێراق دەڵێت: ناوی سەرۆک وەزیرانی نوێی عێراق پاش جەژنی قوربان بە خێرایی ڕادەگەیێندرێت.
بەپێی هەواڵی کوردپرێس، عەبدولسەلام مالیکی لە لێدوانێکی ڕۆژنامەوانیدا زیادی کرد: گفتوگۆکان لە نێوان حیزبە سیاسییەکانی عێراقدا لەبارەی پێکهێنانی فراکسیۆنی گەورەی پەرلەمانی عێراق تا ئێستا سەرکەوتووانە بووە و ئیتیلافی دەوڵەتی یاسا بۆ پێکهێنانی دەوڵەتێکی گشتگیری نیشتمانی، دوور لە تایفەگەرایی هەوڵ دەدات.
مالیکی وتیشی: کۆبوونەوەی نوێنەرانی نوێی پەرلەمان دەستبەجێ پاش پشوودانەکانی جەژنی قوربان بەڕێوەدەچێت و ناوی سەرۆک وەزیرانی عێراق ڕادەگەیێندرێت.
سەرچاوە: هاواڵدەریی سەباح
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران