داوا لە هەموو حزبەكان دەكەم بەشداری گفتوگۆكانی پێكهێنانی حكوومەت بكەن
بەپێی هەواڵی کوردپرێس، نێچیرڤان بارزانی لە وتارەكەیدا وتیشی: "ئەو دۆخەی زیاتر لە چوار ساڵە بەسەر هەرێمی كوردستاندا سەپێندراوە هەر لە بڕینی بوودجەی هەرێم و هاتنی داعش و دابەزینی نرخی نەوت بوونەتە هۆی راگرتنی پێشكەوتنەكانی هەرێم لە دابین كردنی خزمەتگوزارییەکاندا".
ناوبراو وتیشی "بە پشتیوانیی خەڵک و پێشمەرگە حكوومەتی هەرێم رۆژە سەختەكان تێدەپەڕێنێت و ئاسۆیێكی ڕوونتر و ئایندەیێكی گەشتر لە پێش هەرێمی كوردستانە".
نێچیرڤان بارزانی ئاماژەی بەوەش كرد، "ئامانجیان بەدیهێنانی شەراكەتی راستەقینەیە لە عێراق و داواش لە هەموو حزبەكان دەكەم بەشداری گفتوگۆكانی پێكهێنانی حكوومەتی داهاتووی عێراق بكەن".
نێچیرڤان بارزانی ئەوەشی خستەڕوو، هەنگاوەكانی حكوومەت لە چاكسازیشدا گرنكن و بڕیاریشە لە هەموو بوارەكانی حكوومەتدا چاكسازی بكەین لە هەرێمی كوردستان".
سەرچاوە: خەندان
کۆدی هەواڵنێر: 60113
بۆچوونی بەکارهێنەران