قاسم ئه‌عره‌جی: ئه‌و خۆپیشانده‌رانه‌ی دۆخی ئه‌منیی عێراق تێکده‌ده‌ن ده‌ستگیر ده‌کرێن

به‌پێی هه‌واڵی کوردپرێس، قاسم ئه‌عره‌جی له ‌میانی لێدوانێكیدا ڕای‌گه‌یاند: ئه‌و خۆپیشانده‌رانه‌ی ده‌بنه‌ هۆی تێكدانی دۆخی ئه‌منی ‌و هێرش ده‌كه‌نه‌ سه‌ر دامه‌زراوه‌كانی حكوومه‌ت ده‌ستگیر ده‌كرێن ‌و لێپێچینه‌وه‌یان له‌گه‌ڵ ده‌كرێت.

قاسم ئه‌عره‌جی ڕاشی‌گه‌یاند كه‌ ئه‌و كه‌سانه‌ دوای لێپێچینه‌وه‌ ڕووبه‌ڕووی دادگا ده‌كرێن ‌و به‌پێی یاسا سزا ده‌درێن چوونكه‌ ئه‌وانه‌ كاری تێكده‌رانه‌ ئه‌نجام ده‌ده‌ن ‌و ئه‌وه‌ش قبووڵكراو نییه‌.

قسه‌كانی ئه‌عره‌جی له‌ كاتێكدایه‌ چه‌ند ڕۆژێكه‌ خۆپیشاندان له‌ شار و شارۆچكه‌كانی عێراق ده‌ستی پێكردوووه ‌و به‌رده‌وامیشی هه‌یه‌ و حكوومه‌تی عێراقیش ده‌یه‌وێت ڕێگری له‌خۆپیشاندانه‌كان بكات‌ و بۆ ئه‌وه‌ش ڕێكاری ئه‌منی گرتوووه‌ته‌به‌ر.

سه‌رچاوه‌: شارپرێس

کۆدی هه‌واڵنێر: 60103