شاندێکی ڕەوتی سەدر لەگەڵ نوێنەری خۆپیشاندەرانی بەسرە دیدار دەکەن
بەشی عێراق و هەرێمی کوردستان- پاڵێوراوی ئیئتیلافی سائێروون لە هەڵبژادرنەکانی پەرلەمانیی عێراقدا وتی: بڕیارە ئەمڕۆ شەممە شاندێکی ڕەوتی سەدر بەمەبەستی دانووستان لەگەڵ نوێنەرانی خۆپیشاندەرانی بەسرە سەردانی ئەو پارێزگایە بکەن.
بەپێی هەواڵی کوردپرێس، رامی سەکینی لەگفتوگۆ لەگەڵ ڕادیۆ مربد-ی عێراق زیادی کرد: بڕیارە شاندێکی ڕەوتی سەدر بەمەبەستی دانووستان لەگەڵ نوێنەرانی خۆپیشاندەرانی بەسرە و تاوتوێی داخوازییەکانیان و ئاگادار کردنەوەی موقتەدا سەدر لەو داخوازییانە سەردانی پارێزگای بەسرە بکەن.
سەکینی وتیشی: شاندەکەی سەدر ئامادەیە لەگەڵ هەموو نوێنەرانی خۆپیشاندەران گفتوگۆ بکات و داخوازیەکانیان تاوتوێی بکات.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران