مەرجەعیەتی باڵای شیعەکان پشتیوانیی بۆ خۆپیشاندەرانی بەسرە دەربڕی
کوردپرێس:
عەبدولمەهدی کەربەلائی نوێنەری مەرجەعیەت لە وتاری ئەم هەینییەدا لە کەربەلا وتی "پارێزگای بەسرە لەم ڕۆژانە خۆپیشاندانی جەماوەری بەخۆوە دەبینێت، کە گوزارشت لە کێشە و ناسۆری ئەو هاووڵاتییانە دەکات بە دەست کەمی ئاو و کارەبا و خراپی خزمەتگوزاری تەندروستی و بڵاوبوونەوەی بێکارییەوە".
ناوبراو وتیشی "پشتیوانی بۆ خۆپیشاندەران دەردەبڕین لە داواکانیان و هەست بە چەرمەسەرییەکانیان دەکەین و هەست بەو کەمتەرخەمییە دەکەین کە لەلایەن بەرپرسانی پێشو و ئێستاوە بەرامبەریان کراوە".
هەروەها مەرجەعیەت لە وتاری ڕۆژی هەینیدا دەڵێت، جێی قبوڵ نییە ئەم پارێزگا دەوڵەمەندە، بێبەشترین ناوچەی عێراق بێت.
داواشی لە خۆپیشاندەران کردووە موڵک و ماڵی گشتی بپارێزن و دەستدرێژی نەکەنە سەریان، ڕێگەش بە کەسانی خاوەن بەرژەوەندیی تایبەت نەدەن ئەو کارە بکەن.
*لە تەلەڤزیۆنی ئێن ئاڕ تی وەرگیراوە
بۆچوونی بەکارهێنەران