سه‌رۆكی دامه‌زراوه‌ی سه‌ربه‌خۆی هه‌ڵبژاردنه‌كانی تورکیا:
ئه‌مڕۆ ئه‌نجامی كۆتاییی هه‌ڵبژاردنه‌كانی توركیا بڵاو ده‌كرێته‌وه
به‌شی تورکیا- سه‌رۆکی دامه‌زراوه‌ی سه‌ربه‌خۆی هه‌ڵبژاردنه‌کانی تورکیا ده‌ڵێت: "ئه‌مڕۆ چوارشه‌ممه 4ی ته‌مووز قۆناغی تانه‌دان له ئه‌نجامه‌كانی هه‌ڵبژاردن كۆتایی دێت. ئه‌گه‌ر ئه‌مڕۆ تانه‌ی دیكه‌مان ئاراسته بكرێت ته‌ماشای ده‌كه‌ین. ئه‌گه‌ر به ئه‌نجامی بگه‌یه‌نین و دۆخێكی نائاسایی له‌ئارادا نه‌بێت تا كاتژمێر 5ی ئێواره‌ی ئه‌مڕۆ ده‌مانه‌وێت قۆناغی هه‌ڵبژاردن كۆتایی پێبهێنین."
به‌پێی هه‌واڵی کوردپرێس، سه‌عدی گۆڤه‌ن سه‌رۆكی دامه‌زراوه‌ی سه‌ربه‌خۆی هه‌ڵبژاردنه‌كان وتیشی: ئه‌مڕۆ دوایین ڕۆژی تانه‌دانه له ئه‌نجامی هه‌ڵبژاردنه‌كانی سه‌رۆكایه‌تیی كۆمار و په‌رله‌مانی توركیا. تا ئه‌مڕۆ له ده‌سته‌ی هه‌ڵبژاردنی 13 شاره‌وه تانه به‌رز كراوه‌ته‌وه و هه‌ڵمانسه‌نگاندوون. ئه‌گه‌ر ئه‌مڕۆ تانه‌ی دیكه‌مان ئاراسته بكرێت ته‌ماشای ده‌كه‌ین. ئه‌گه‌ر به ئه‌نجامی بگه‌یه‌نین و دۆخێكی نائاسایی له‌ئارادا نه‌بێت، ئه‌مڕۆ تا كاتژمێر 5ی ئێواره ده‌مانه‌وێت قۆناغی هه‌ڵبژاردن كۆتایی پێبهێنین. ئه‌گه‌ر هیچ كێشه‌یێک نه‌بێت، دوای كاتژمێر پێنجی ئێواره ئه‌نجامی كۆتاییتان بۆ راده‌گه‌یه‌نین و ده‌ینێرین بۆ رۆژنامه‌ی فه‌رمی و راده‌ستی به‌ڕێز سه‌ركۆمار و سه‌رۆكی په‌رله‌مانیشی ده‌كه‌ین".
سه‌رچاوه: هه‌واڵده‌ریی ئه‌نادۆڵو
کۆدی هه‌واڵنێر: 60103
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران