وهزارهتی پێشمهرگه ڕوونکردنهوه لهسهر گهڕانهوهی هێزهكانیان بۆ ناوچه جێناكۆكهكان دهدات
بهپێی ههواڵی کوردپرێس، فهریق جهبار یاوهر ئهمینداری گشتیی وهزارهتی پێشمهرگه ڕایگهیاند ئهوهی دهوترێت لهبارهی گهڕانهوهی هێزهكانی پێشمهرگه بۆ ناوچه جێناكۆكهكان هیچ بنهمایێكی ڕاستی نییه و هیچ ڕێككهوتنێک نهكراوه لهوبارهیهوه.
ناوبراو وتیشی: "بههۆی زیاد بوونی كردهوه تیرۆریستییهكان له ناوچه جێناكۆكهكاندا داواكاری زۆر ههیه بۆ گهڕانهوهی هێزهكانی پێشمهرگه بهڵام هیچ ڕێككهوتنی فهرمی لهوبارهیهوه نهكراوه."
فهریق جهبار یاوهر ئهمینداری گشتیی وهزارهتی پێشمهرگه ئاشكراشی كرد: پێش ساڵی 2014 له نێوان هێزهكانی پێشمهرگه و هێزهكانی حكوومهتی عێراقدا پرۆسهیێک ههبوو پێیان دهوت "پڕۆسهی ئاسایشی هاوبهش" و پڕۆسهكهش خۆی له بنكهی ههماههنگیی هاوبهش، بازگهی هاوبهش، هێزی هاوبهشی ههر دوو لا و ئۆپهراسیۆنی هاوبهش دهبینییهوه و پێكهێنانی ئهو هێزهش بۆ پاراستنی هاووڵاتییانی ناوچه جێناكۆكهكان بوو بهڵام زیندوو كردنهوهی ئهو پڕۆسهیه هیچ گفتوگۆ و ڕێككهوتنێكی لهبارهوه نهكراوه.
سهرچاوه: ڕادیۆ نهوا
کۆدی ههواڵنێر: 60103
بۆچوونی بەکارهێنەران