ژمارەی چەكدارانی داعش لە دەوروبەری کەرکووک زیادیكردووە
بەشی عێراق و هەرێمی کوردستان- داعش لە سنووری كەركووک و دەوروبەری جموجۆڵیان هەیە، هەوڵی نانەوەی پشێوی و نائارامی لە ناوچەكەدا دەدەن، ئەوەش بەقسەی بەرپرسانی ئەمنی شارەكە.
بەپێی هەواڵی کوردپرێس، ئەفراسیاو کامل وتەبێژی پۆلیسی کەرکووک ڕایگەیاند: ژمارەی چەكدارانی داعش لە سنووری حەویجە تادێت ڕوو لەزیاد بوون دەكات، بەشێوەیێک بەشەوان بەمەفرەزەی گەورە بەناوچەكەدا دەسوورێنەوە و بەشێک لەبەرپرسان ترسیان هەیە، هاوشێوەی ساڵی 2014 ئەو رێكخراوە دەست بگرێت بەسەر بەشێک لەناوچەكەدا.
وتەبێژەكەی پۆلیسی پارێزگای كەركووک، جەختی كردەوە پێناچێت داعش ئەو هێزەی هەبێت، كە بتوانێت 100% پشێوی لە كەركووكدا دروست بكات.
ئەوەش لە کاتێکدایە لە كاتێكدایە چەكدارانی داعش لەدەوروبەری كەركووک جموجۆڵێكی فراوانیان هەیە، چەند شەوێک لەمەوبەریش هێزە ئەمنیەكانی كەركووک خرابوونە حاڵەتی ئامادەباشییەوە.
کۆدی هەواڵنێر: 60113
بۆچوونی بەکارهێنەران