تۆپخانەکانی تورکیا گوندەکانی هەولێر تۆپباران دەکەن
بەشی تورکیا- سوپای تورکیا لەڕێگای تۆپی دوور هاوێژەوە سنووری برادۆستی تۆپباران کرد و تەقەی هەمەڕەکیش دەنگی دەبیسترێت.
بەپێی هەواڵی کوردپرێس، شارپرێس بڵاوی کردەوە سوپای تورکیا لە کاتژمێر 8:30 تاوەکوو 9:30 خولەک هەریەک لە چیای شەکیو و تالستا و کەمکۆڕایی و گۆڕەسێو تۆپباران کرد و زیانەکانیشی نەزانراون، بەڵام ترس و دڵەڕاوکێی بۆ ئەو هاوڵاتیانەی، بە مەبەستی کردنی گژوگیای بەهاری ڕوویان لەچیان کردووە دروست کردووە.
هەروەها دوو فڕۆکەی چاودێری بەردەوام بەسەر ئاسمانی سنوورەکە دەسووڕێنەوە و سەربازانی تورکیا بە دۆشکەش تەقە دەکەن .
ماوەی چەند رۆژێکە سوپای تورکیا چالاکییە سەربازییەکانى لەناو خاکى هەرێم چڕکردوەتەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران