مەسروور بارزانی و باڵیۆزی بێلاروس: دەبێت ڕێگری بکرێت لە سەفەر و کۆچ کردنی نایاسایی
بەپێی هەواڵی کوردپرێس، نووسینگەی راگەیاندنی سەرۆکی حکوومەت بڵاویکردەوە، ئەمڕۆ دووشەممە 1ی تشرینی دوەمی 2021 مەسروور بارزانی سەرۆکی حکوومەتی هەرێمی کوردستان، پێشوازیی لە ڤیکتۆر ریباک باڵیۆزی بێلاروس لە عێراق کرد و لە دیدارەکەدا، پەرەپێدانی پەیوەندی دوو لایەنە و بارودۆخی پەنابەران لەو وڵاتە تاوتوێ کرا.
لە ڕاگەیەندراوەکەدا ئەوەش هاتووە: "هەردوولا جەختیان لە گرنگیی هەبوونی هەماهەنگیی و پەیوەندی بۆ چارەسەرکردنی کێشەی ئەو هاوڵاتییانەی هەرێمی کوردستان کردەوە کە سەردانی وڵاتی بێلاروس دەکەن کە پێویستە بە پێی یاسا نێودەوڵەتییەکان مامەڵەیان لە گەڵ بکرێت، هەروەها ڕێگریش بکرێت لە سەفەر و کۆچ کردنی نایاسایی."
نووسینگەی راگەیاندنی سەرۆکی حکوومەت ئەوەشی خستوەتەڕوو، لای خۆیەوە باڵیۆزی بێلاروس، ئامادەیی تەواوی وڵاتەکەی، بۆ هەماهەنگیی کردن و برەودان بە پەیوەندییەکان لە گەڵ حکوومەتی هەرێمی کوردستان دەربڕیوە.
بۆچوونی بەکارهێنەران