خبر
2022-02-16 04:25
کاتی خوێندنەوە: 1 خولەک
★
—
(0)
مەسعوود بارزانی: بڕیاری دادگای فیدراڵی لەبارەی نەوتی هەرێم تەواو سیاسییە
بەشی عێراق و هەرێمی کوردستان- سەرۆکی پارتی دیموکراتی کوردستان ڕایگەیاند بڕیاری دادگای فیدراڵی لەبارەی نایاسایی بوونی هەناردەی نەوتی هەرێم تەواو سیاسییە و پێچەوانەی دەستوورە.
بەپێی هەواڵی کوردپرێس، لە پهیامێكەی مەسعوود بارزانیدا هاتووه، هیواخوازین هەردوو حكوومەتی عێراقی و حكوومەتی هەرێمی كوردستان بتوانن لەسەر گرفتەكان و بابەتی نەوت و گاز بگەنە رێككەوتن.
دهقی پهیامهكه:
بەناوی خودای بەخشندە و میهرەبان
بڕیاری دادگەی باڵای فیدڕاڵیی عێراق لەبارەی نەوت و گازی هەرێمی كوردستان بڕیارێكی تەواو سیاسییە و پێچەوانەی دەستووری عێراقی فیدڕاڵە و ئامانج لێی دژایەتیكردنی هەرێمی كوردستانە و دژی سیستەمی فیدڕاڵیی عێراقە.
ئێمە هیواخوازین هەردوو حكوومەتی عێراقی و حكوومەتی هەرێمی كوردستان بتوانن لەسەر گرفتەكان و بابەتی نەوت و گاز بگەنە ڕێككەوتن. لەگەڵ ئەوەشدا بۆ هەموو لایەك ئاشكرا دەكەین كە هەرێمی كوردستان بە هەموو توانایەكییەوە بەرگری لە مافە دەستوورییەكانی خۆی دەكات.
بۆچوونی بەکارهێنەران