فڕۆکە جەنگییەکانی تورکیا ئوتومبیلێکیان لە هەرێمی کوردستان کردە ئامانج
بەشی عێراق و هەرێمی کوردستان- فڕۆکە جەنگییەکانی توکیا لە سنووری پشدەر ئۆتۆمبێلێکیان کردە ئامانج و بەو هۆیەوە چوار کەس لەناو ئۆتۆمبێلەکە گیانیان لەدەست داوە.
کوردپرێس:
تەلەڤزیۆنی کوردستان 24 ڕایگەیاند لەنێوان گوندی گیرە ـــ کانی لان، لە سنووری قەزای پشدەر، فڕۆکە جەنگییەکانی تورکیا ئۆتۆمبێلێکیان کردە ئامانج .
بە ئیدعای کوردستان 24 ئۆتۆمبێلەکە چوار چەکداری پەکەکەی تێدا بووە و سەرجەمیان گیانیان لەدەستداوە.
بەکر بایز، قایمقامی قەڵادزێ بەکوردستان24ی گوت "لەناو ئۆتۆمبێلەکە 3 تا 4 کەس کوژراون و ئێستا هێزه ئەمنییەکان کار بۆ دەرهێنان و ناسینەوەیان دەکەن".
ئاماژەی بەوەش کرد "یەکەم جارە فڕۆکەکانی تورکیا لەو نزیکانە بۆردومان بکەن".
گوندی گیرە دەکەوێتە دووری 15 کم ی باکووری خۆرهەڵاتی قەڵادزێی سەنتەری قەزای پشدەر لە سنووری ئیدارەی راپەڕین.
بۆچوونی بەکارهێنەران