دەمیرتاش: بۆ ڕزگاربوونمان لە دەست ئەم دەسەڵاتە شەڕلاتە پێویستە داوای هەڵبژاردنی پێشوەختە بکەین
بەشی تورکیا- هاوسەرۆکی پێشووی هەدەپە لە پەیامێکدا ڕەخنەی توند لە دەسەڵاتی تورکیا دەگرێتەوە و دەڵێت بۆ ڕزگاربوونمان لە دەست ئەم دەسەڵاتە شەڕلاتە پێویستە داوای هەڵبژاردنی پێشوەختە بکەین.
کوردپرێس:
سەڵاحەدین دەمیرتاش هاوسەرۆکی پێشووی پارتی دیموکراتیکی گەلان تویتێکی لە تۆڕی کۆمەڵایەتیی تویتەر بڵاو کردەوە و تێیدا وێڕای ڕەخنەگرتنی توند لە دەسەڵاتی ئێستای تورکیا داوای کردووە بۆ دەربازبوون لە دەسەڵاتی شەڕلاتی ئێستای تورکیا هەڵبژاردنی پێشوەختە بکرێت.
دەمیرتاش لە بەندیخانەی ئیدیرنە بەند کاروە و لە ڕێگای چوار تویتەوە ئەم پەیامەی خۆی بڵاو کردۆتەوە.
دەمیرتاش بە هاووڵاتییانی وتووە ئەوەی دەبێتە هۆی پەرۆش بوونی ئێوە و تێکدانی ژیانتان نەخۆشیی کۆرۆنا و Covid-19 نیە بەڵکوو AKP/ 128 هۆکاری ئەو پەرێشانییەتانە.
هاوسەرۆکی پێشووی هەدەپە داوا لە هاووڵاتییانیش دەکات خەمسارد و بێهەڵوێست نەبن لە بەرامبەر وەزعی ئێستا و هەوڵ بدەن لە دەسەڵاتی دزی ئێستای تورکیا ڕزگاریان بێت.
منصور رحیمی
بۆچوونی بەکارهێنەران