پارتی دەسەڵاتدار ناتوانێت HDP دابخات
بەپێی هەواڵی کوردپرێس، پەروین بوڵدان هاوسه‌رۆکی پارتی دیموکراتی گه‌لان (هه‌ده‌په) رایگەیاند پرسی داخستنی هه‌ده‌په، کوده‌تایه دژی سیاسه‌تی کورد و دیموکراسیه‌ت له تورکیا، جه‌ختییشی کرده‌وه، ئه‌وان به هیچ شێوه‌یێک ناهێڵن پارته‌که‌یان دابخرێت.
پەروین بوڵدان، ھاوسەرۆکی ھەدەپە لە کۆبوونەوەی ئەنجومەنی ژنانی ھەدەپە رایگەیاند: "دەسەڵات دەیەوێت سیاسەت و ھەڵبژاردنەکانی داھاتووی تورکیا بێ ھەدەپە دیزایین بکات، چوونکە ئەوان دەزانن ئەگەر ھەدەپە ھەبێت ناتوانن لە ھەڵبژاردنی داھاتوو سەرکەون، داخستنی ھەدەپە گورزێکی گەورەیە لە مافی گەلی کورد و دیموکراسی لە تورکیا".
ھاوسەرۆکی ھەدەپە، گوتیشی: "ئێمە دەستبەرداری ھەدەپە نابین و بە ھەموو شێوەیێک دەیپارێزین".
لەبارەی بڕیاری داخستنی ھەدەپە، ئه‌برۆ گونه‌ی وتەبێژی ھەدەپە گوتی: "تائێستا بە فەرمی ھیچ بڕیارێک بۆ داخستنی ھەدەپە نەگەیشتووەتە دەستمان، بەڵام دەسەڵات پەلە پەلیەتی بۆ جێبەجێ کردنی ئەو بڕیارە، لە بەرامبەردا گەل لە ئاھەنگەکانی نەورۆز وەڵامی دەسەڵاتیان دایەوە".
کۆدی هەواڵنێر: 60113
بۆچوونی بەکارهێنەران