تورکیا بۆردوومانی ناوچە جیێ نیشتەجێبوونەکانی پارێزگای سلێمانی ده‌کات
بەشی عێراق و هەرێمی کوردستان- فڕۆکه جه‌نگییه‌کانی سوپای تورکیا ناوچه سنووریه‌کانی ده‌ڤه‌ری پشده‌ریان له ئیداره‌ی ڕاپه‌ڕین بۆردوومان کرد.
بەپێی هەواڵی کوردپرێس، سه‌رچاوه‌یێکی ئه‌منی به خه‌ندان-ی راگه‌یاندووە ئه‌مڕۆ فڕۆکه جه‌نگیه‌کانی تورکیا حه‌وت جار گوندی "شێنێ"یان له سنووری ده‌ڤه‌ری پشده‌ر بۆردوومان کرد، زیان به ژماره‌یێک ڕه‌ز و باخ و خانووی هاوڵاتیانی گونده‌که گه‌یشتووه.
ئه‌و سه‌رچاوه‌یه ئاماژه‌ی به‌وه‌ش کرد، بۆردوومانه‌که هیچ زیانێکی گیانیی لێنه‌که‌وتوه‌ته‌وه، به‌رله‌وه‌ی بۆردوومانیش ئه‌نجام بدرێت، فڕۆکه جه‌نگیه‌کان به‌سه‌ر ئاسمانی ناوچه‌که و قه‌ندیل سووڕاونه‌ته‌وه.
شایانی باسە گوندی شێنی یەکەمجارە لەلایەن تورکیاوە بۆردوومان دەکرێت و شوێنی بۆردوومانەکە تەنها 500 مەتر لە ماڵ و خانووەکانی خەڵکی گوندەکە دوورە.
کۆدی هەواڵنێر: 60113
بۆچوونی بەکارهێنەران