وەزارەتی ناوخۆی حکوومەتی هەرێمی کوردستان:
داخستنی نووسینگەکانی کەناڵی NRT پەیوەندیی بە ئێمەوە نەبووە
بەشی عێراق و هەرێمی کوردستان- وەزارەتی ناوخۆی حکوومەتی هەرێمی کوردستان ڕوونکردنەوەیێکی لەبارەی داخستنی نووسینگەکانی کەناڵی NRT بڵاو کردەوە و ڕەتی کردەوە بە بڕیاری ئەوان داخرابن و هیچ بڕیارێکیش لە وەزارەتەکەوە لەمبارەیەوە دەرکرابێت.
کوردپرێس، ئەمەش دەقی روونکردنەوەکەیە:
روونکردنەوەیێک لە وەزارەتی ناوخۆی حکوومەتی هەرێمی کوردستانەوە
سەبارەت بە بابەتی داخستنی نووسینگەکانی کەناڵی NRT لە هەولێر، ئێمە هەموو ئەو دەنگۆیانە ڕەت دەکەینەوە کە بە بڕیاری وەزارەتی ناوخۆ ، ئەو نووسینگانە داخراوبن و هیچ بڕیارێکیش لە وەزارەتەوە لەو بارەیەوە دەرنەچووە.
لە درێژەی ڕوونکردنەوەکەدا هاتووە: سەرۆکی حکوومەتی هەرێمی کوردستان، فەرمانی بۆ ھەموو وەزارەت و لایەنە پەیوەندیدارەکان دەرکردووە کە ڕێز لە هەموو کەناڵەکانی ڕاگەیاندن بگیرێت و لە چوارچێوەی یاسا بەرکارەکان، بە ئازادانە کاری خۆیان ئەنجام بدەن.
کۆدی هەواڵنێر: 60113
بۆچوونی بەکارهێنەران