سەرۆک کۆماری تورکیا و شای سعوودیە پەیوەندییێکی تەلەفۆنیان ئەنجام دا
بەشی تورکیا- سەرۆک کۆماری تورکیا و شای سعوودیە، لەبارەی هەماهەنگیی هەوڵەکانیان لەبارەی لووتکەی G20 گفتوگۆیێکی تەلەفۆنییان ئەنجام دا.
بەپێی هەواڵی کوردپرێس، رەجەب تەیب ئەردۆغان و سەلمان بن عەبدولعەزیز، پەیوەندییێکی تەلەفۆنییان ئەنجام دا و لە میانی پەیوەندییە تەلەفۆنییەکەدا باسیان لە هەماهەنگیی هەوڵەکان لە چوارچێوەی کارەکانی لووتکەی G20 کردووە کە سعوودیە میوانداریی دەکات.
لە بەشێکی دیکەی پەیوەندییە تەلەفۆنییەکەدا، سەرۆک کۆماری تورکیا و شای سعوودیە باسیان لە پەیوەندییە دووقۆڵییەکانی نێوان هەردوو وڵات کردووە.
لووتکەی G20 کە ئەمساڵ سعوودیە میوانداری دەکات، رۆژانی شەممە و یەکشەممە ٢١ و ٢٢ـی تشرینی دووەم بەشێوەی ئۆنلاین بەڕێوە دەچێت.
سعوودیە لە تشرینی دووەمی ٢٠١٩دا بۆ ماوەی ساڵێک سەرۆکایەتی لووتکەی G20ی وەرگرت، دوای کۆتاییهاتنی ئەو لووتکەیەی کە لە ژاپۆن بەڕێوەچوو.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران