نێچیرڤان بارزانی و یاشار گولەر مەترسی و هەڕەشەکانی تیرۆریان تاوتوێ کرد
بەشی تورکیا- سەرۆکی هەرێمی کوردستان لە پەراوێزی کۆڕبەندی دیپلۆماسیی ئەنتاڵیادا لەگەڵ یاشار گولەر، وەزیری بەرگریی تورکیا کۆ بووەوە.
بەپێی هەواڵی کوردپرێس، سەرۆکایەتیی هەرێمی کوردستان لەبارەی کۆبوونەوەکە ڕایگەیاند، نێچیرڤان بارزانی و یاشار گولەر دوایین پێشهاتە ئەمنییەکانی رۆژهەڵاتی نێوەڕاست و مەترسی و هەڕەشەکانی تیرۆریان تاوتوێ کرد.
هەر بە گوێرەی سەرۆکایەتیی هەرێمی کوردستان سەرۆکی هەرێمی کوردستان و وەزیری بەرگریی تورکیا هاوڕا بوون لەسەر گرنگیی پاراستنی ئارامی و سەقامگیریی ناوچەکە و هەوڵدان بۆ رێگرتن لە تەشەنەسەندنی زیاتری ئاڵۆزییەکان؛ هەروەها داکۆکییان لە برەودان بە پەیوەندییەکانی تورکیا لەگەڵ عێراق و هەرێمی کوردستان کردەوە.
بۆچوونی بەکارهێنەران