خبر
2026-02-25 05:15
کاتی خوێندنەوە: 1 خولەک
★
—
(0)
لە دەباشان مەزڵووم عەبدی لەگەڵ قوباد و بافڵ تاڵەبانی کۆ بوویەوە
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان لەگەڵ مەزڵووم عەبدی، فەرماندەی گشتیی هێزەکانی سووریای دیموکرات کۆ بووەوە.
بەپێی هەواڵی کوردپرێس، نووسینگەی سەرۆکی یەکێتی بڵاویکردەوە: "بافڵ جەلال تاڵەبانی لە دەباشان پێشوازی لە جەنەڕاڵ مەزڵووم عەبدی، فەرماندەی گشتیی هێزەکانی سووریای دیموکرات (SDF) کرد و بە ئامادەبوونی قوباد تاڵەبانی، دۆخی سووریا و رۆژاڤای کوردستان تاوتوێکرا".
بەگوێرەی ڕاگەیەندراوەکە: "جەنەڕاڵ مەزڵووم عەبدی باسی بەشداریکردنی لە کۆنفرانسی ئاسایشی میونشن کرد و دوایین گۆڕانکارییەکانی دۆخی سووریای خستەڕوو. هەروەها سوپاسی یەکێتیی نیشتمانیی کوردستانی کرد بۆ هەڵوێست و پشتیوانییەکانی لە بەرەنگاربوونەوەی تیرۆردا".
لەمیانەی کۆبوونەوەکەدا بافڵ تاڵەبانی ڕایگەیاند، "لە پشتیوانیکردنی ڕۆژاڤای کوردستان بەردەوام دەبین تاوەکوو دڵنیاببینەوە سووریا دەبێتە وڵاتێک کە هەمووان ماف و نوێنەرایەتیی خۆیان تێیدا دەبێت و حکوومەتەکەشی دەرخەری هەمەچەشنیی کۆمەڵگەی سووریا بێت".
بۆچوونی بەکارهێنەران