هەڵبژاردن لەوادەی خۆیدا بەڕێوە نەچێت مەترسی گەورە ڕوو دەدەات
بەپێی هەواڵی کوردپرێس، نووری مالیکی، لە وتارێکدا لە کۆنفرانسی "گەنجان و هەڵبژاردن" ڕایگەیاند: ئەوان و هەندێک لە هێزە سیسایەکان بەتوندی پێداگربوون لەسەر ئەنجامدانی هەڵبژاردن لە وادەی دیاریکراوی خۆیدا. ئەگەر هەڵبژاردن لە وادەی خۆیدا ئەنجام نەدرێت، مەترسی گەورە ڕوودەدات و پێویستە هەموان درک بەو مەترسییە بکەن.
ئاماژەی بەوەش کرد، سندووقەکانی دەنگدان دەرگا بەڕووی دیکتاتۆرییەت و ڕەگەزپەرستی و تائیفەگەری و پەراوێزخستندا دادەخات، دەنگی دەنگدەرانیش دیاری دەکات حکوومەتی ئێستا دەمێنێتەوە یان دەگۆڕدرێت.
مالیکی باسی لەوەش کرد، هەڵبژاردن ئەو دەروازەیەیە کە حکوومەت و پەرلەمان لە ڕێگەیەوە پێکدەهێنرێت، بۆ ئەوەی پرۆسەیەکی سیاسی سەرکەوتو و دەوڵەتێکی پێشکەوتو بنیات بنێت. هیچ شتێکیش لە دەستوردا نییە بەناوی حکومەتی باری نائاسایی یان کاربەڕێکەر.
ناوبراو دەشڵێت، "گەنجان بەردی بناغەی پڕۆسەی هەڵبژاردن و نوێبوونەوە و گەشەسەندنن. هەڵبژاردن یەکێکە لە میکانیزمەکانی نوێبوونەوە، دیموکراسی و پرۆسەی سیاسیش بەبێ هەڵبژاردن بێمانایە".
بۆچوونی بەکارهێنەران