بەهۆی تەقینەوەی بۆمبێک سێ پێشمەرگە گیانیان لەدەستدا
بەهۆی تەقینەوەی بۆمبێکی چێندراو لە سنووری خورماتوو بە هێزەکانی لیوای یەکی هاوبەشی هێزەکانی پێشمەرگە و سوپای عێراق، دوو فەرماندەی پێشمەرگە و پاسەوانێکیان گیانیان لەدەستدا.
بەپێی هەواڵی کوردپرێس، میدیاکانی هەرێمی کوردستان بڵاویان کردەوە: ئەمڕۆ یەکشەممە، کاتژمێر ٩ـی بەیانیی، لە سنووری خورماتوو بەهۆی تەقینەوەی بۆمبێکی چێندراو بە هێزەکانی لیوای یەکی هاوبەشی هێزەکانی پێشمەرگە و سوپای عێراق لە ناوچەی غەڕڕە، دوو فەرماندە و پاسەوانێک گیانیان لەدەستدا و ٣ پاسەوانی دیکەش بریندارن.
هەر بە پێی زانیارییەکان دوو فەرماندەکەی گیانیان لەدەستداوە ناویام عەقید روکن سامان و عەقید محەممەدە.
هەر به‌وته‌ى میدیاکان، بریندارەکان و تەرمی کوژراوەکان گەیەنراونەتە نەخۆشخانەی خورماتوو.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران