ڤیدیۆ
پارتی دیموکراتی کوردستان:
لادانى سەرۆکى دەسەڵاتی یاسادانان ئاڵۆزیەکان زیاتر و قووڵتر دەکاتەوە
وتەبێژى پارتى دیموکراتى کوردستان رایگه‌یاند، پێویسته پێکهێنەرەکانى هاوپه‌یمانی به‌ڕێوه‌بردنی ده‌وڵه‌ت به‌رپرسیارانه مامه‌ڵه بكه‌ن به‌تایبه‌تی كه لادانى محه‌مه‌د حه‌لبوسی، سەرۆکى دەسەڵاتى یاسادانان ئاڵۆزیەکان زیاتر و قووڵتر دەکاتەوە.
پەڕەی ڤیدیۆ
لێدەری ڕاستەوخۆ
مەحموود محەمەد، وتەبێژى پارتى دیموکراتى کوردستان له راگه‌یه‌ندراوێكدا باسی له‌وه كردووه، "بارودۆخى عێراق و ناوچەکە بەجۆرێک شێواوە کە پێشبینى هەژانێکى گەورە دەکرێت، لەم دۆخەدا بەرپرسیاریەتى سەرشانى سەرجەم هێز و لایەنە عێراقییەکان بەگشتى و لایەنە پێکهێنەرەکانى ئیئتیلافى ئیدارەى دەوڵەتە بەتایبەتى، وردتر هەڵسەنگاندن بۆ ڕەوشەکە بکەن بەتایبەتى ڕووداوى دوا بڕیارى دادگاى فیدڕاڵى عێڕاق لەبارەى لادانى سەرۆکى دەسەڵاتى یاسادانان کە ئاڵۆزیەکان زیاتر و قووڵتر دەکاتەوە".
ناوبراو ئاماژه‌ی به‌وه‌ش كردووه، چاوەڕوانییەکان ئەوەبوون ئەو ئاڵۆزى و کێشانەى کە هەن چارەسەر بکرێن نەک بابەتى زیاتریان لەسەر کەڵەکەبکرێت بەجۆرێک کە ئاشتى کۆمەڵایەتى و سەقامگیرى دەخاتە مەترسییەوە.
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران