وەزارەتی ناوخۆی حكوومەتی هەرێمی كوردستان: داخستنی نووسینگەكانی كەناڵی NRT پەیوەندیی بە ئێمەوە نەبووە
بەشی عێراق و هەرێمی کوردستان- وەزارەتی ناوخۆی حكوومەتی هەرێمی كوردستان ڕوونكردنەوەیێكی لەبارەی داخستنی نووسینگەكانی كەناڵی NRT بڵاو كردەوە و ڕەتی كردەوە بە بڕیاری ئەوان داخرابن و هیچ بڕیارێكیش لە وەزارەتەكەوە لەمبارەیەوە دەركرابێت.
کوردپرێس، ئەمەش دەقی روونكردنەوەكەیە:
روونکردنەوەیێک لە وەزارەتی ناوخۆی حکوومەتی هەرێمی کوردستانەوە
سەبارەت بە بابەتی داخستنی نووسینگەکانی کەناڵی NRT لە هەولێر، ئێمە هەموو ئەو دەنگۆیانە ڕەت دەکەینەوە کە بە بڕیاری وەزارەتی ناوخۆ ، ئەو نووسینگانە داخراوبن و هیچ بڕیارێکیش لە وەزارەتەوە لەو بارەیەوە دەرنەچووە.
لە درێژەی ڕوونکردنەوەکەدا هاتووە: سەرۆکی حکوومەتی هەرێمی کوردستان، فەرمانی بۆ ھەموو وەزارەت و لایەنە پەیوەندیدارەکان دەرکردووە کە ڕێز لە هەموو کەناڵەکانی ڕاگەیاندن بگیرێت و لە چوارچێوەی یاسا بەرکارەکان، بە ئازادانە کاری خۆیان ئەنجام بدەن.
کۆدی هەواڵنێر: 60113
بۆچوونی بەکارهێنەران