هەفتەی داهاتوو شاندی حکوومەتی هەرێمی کوردستان سەردانی بەغدا دەکات
بەپێی هەواڵی کوردپرێس، لە کۆبوونەوەکەدا هەروەها گفتوگۆ دەربارەی ڕێکخستنەوەی خەرجییەکان و خۆگونجاندن لەگەڵ ئەو توانا و بودجەیە کرا کە ئێستا لە بەردەستی وەزارەتی دارایی و ئابووریدایە بە مەرجی پاراستنی مافی مووچەخۆرانی ئاساییی شایستە.
ئەنجومەنی وەزیران جەختی کردەوە لە بەردەوام بوونی کەم کردنەوەی مووچەی خاوەن پلە تایبەتەکان و ئەوانەشی بەو پلانە خانەنشین بوون کە لە کۆبوونەوەکانی پێشوو بڕیاریان لەسەردرا. لەمبارەیەوە کۆبوونەوەکانیش تا ڕۆژی یەکشەممەی داهاتوو بەردەوام دەبن.
لە بەشێکی دیکەی کۆبوونەوەکەدا دانوستانەکان لەگەڵ حکوومەتی فیدراڵی تاوتوێ کرا و بڕیار درا، هەفتەی داهاتوو شاندی حکوومەت بۆ درێژەدان بە گفتوگۆکان سەردانی بەغدا بکات بە ئاراستەی برەودان بەو لێکتێگەیشتنە هاوبەشانەی پێشتر هەردوولا پێی گەیشتبوون بۆ دابین کردنی ماف و شایستە داراییەکانی هەرێم لەبەرامبەر پابەندییەکانی هەرێم لە چوارچێوەی دەستووری عێراق.
کۆدی هەواڵنێر: 60113
بۆچوونی بەکارهێنەران