سەرۆککۆماری ئێران لەبارەی پەرەسەندنی کۆرۆنا لە کوردستان و چەند پارێزگایتر پەیامێکی ڕاگەیاند
بەشی ئێران- حەسەن ڕۆحانی لە پەیامێکدا بۆ وەزیری تەندروستیی ئێران وێڕای دەستخۆشی کردن لە تیمی پزیشکی بۆ بەرەرچدانەوەی کۆرۆنا ڕایگەیاندئەگەر دۆخەکە ناچاریان بکات سنووردارکردن و قەدەغەکردنی هاتوچۆ دەخەنەوە بواری جێبەجێ کردن.
کوردپرێس:
ئێوارەی چوارشەمە 28ی جۆزەردانی 1399حەسەن ڕۆحانی سەرۆککۆماری ئێران گوێبیستی ڕاپۆرتی سەعید نەمەکی وەزیری تەندروستیی وڵاتەکەی بوو لە سەر دوایین ئامار و پێشهاتەکانی کۆرۆنا و سوپاسی تیمی وەزارەتی تەندروستی و ژووری کۆنتڕۆڵ کردنی کۆرۆنای کرد.
ڕۆحانی لە وتەکانیدا ڕایگەیاند ئەگەر پەرەسەندنی کۆرۆنا لەکوردستان کرماشان و خووزستان و بووشەهر کۆنتڕۆڵ نەکرێت ئەوا ناچار دەبن قەدەغەی هاتوچۆ و سنووردارکردنی لە ماڵ دەرچوون بخەنەوە بواری جێبەجێ کردن.
سەرۆککۆماری ئێران دیسان سوپاسی وەزارەتی تەندروستیی کرد کە بە ناردن و جێگیرکردنی جێگرەکانی وەزارەت لە چوار پارێزگای هەڵگری هێڵی سوور توانیویانە لە نزیکەوە چاودێریی دۆخەکە بکەن.
بۆچوونی بەکارهێنەران