تورکیا ئۆپەراسیۆنی چڕنووکی هەڵۆ-ی دژ بە پەکەکە دەست پێکرد
بەشی تورکیا- وەزارەتی بەرگریی تورکیا دەستپێکردنی ئۆپەراسیۆنێکی گەورەی بە بەشداری فڕۆکە ئێف-16ـەکانی بۆسەر بارەگاکانی پارتی کرێکارانی کوردستان لە هەرێمی کوردستان راگەیاند.
بەپێی هەواڵی کوردپرێس، تورکیا ئۆپەراسیۆنەکەی ناوناوە "چڕنووکی هەڵۆ" و فڕۆکەکانی ئەو وڵاتە لە مەخموور، خواکوڕک، زاپ، قەرەچووخ، قەندیل و شنگال بۆردوومانی پەکەکە دەکەن.
وەزارەتی بەرگریی تورکیا دەڵێت: "لە ئۆپەراسیۆنەکەیاندا پێگە و بنکەی تیرۆریستان بەسەریاندا خاپوور دەکەن".
وەزارەتی بەرگریی تورکیا دەشڵێت دەستپێکردنی ئۆپەراسیۆنەکەش بۆ بەرگری کردن بووە "کە هەڕەشەکانی پەکەکە لەسەر سنوور و بۆ هێرشکردنە سەر بنکەکانی پۆلیسی تورکیا رۆژ بە رۆژ زیاد دەکات".
کۆدی هەواڵنێر: 60113
بۆچوونی بەکارهێنەران