بۆمبێکی چێنراو لە مەخموور بە ئۆتۆمبێلی هاووڵاتییێکدا تەقێتەوە
بەشی عێراق و هەرێمی کوردستان- بۆمبێکی چێنراو لە دەشتی قەراج کە دەکەوێتە سنووری مەخموور تەقیوەتەوە.
بەپێی هەواڵی کوردپرێس، سەرچاوەیێک لە هێزە ئەمنییەکانی دەشتی قەراج بە خەندان-ی راگەیاندووە دوانیوەڕۆی ڕۆژی شەممە 18ی نیسان بۆمبێکی چێنراو لە نێوان گوندی ڕواڵە و لاکەچە بە ئۆتۆمبێلی هاوڵاتییەکدا تەقیوەتەوە و لە ئەنجامدا ئەو هاوڵاتییە بە سەختی بریندار بووە.
جموجۆڵی چەکدارانی داعش لە سنوورەکەدا و هێرشەکانیان کە هاوڵاتیان و هێزە ئەمنییەکان بەبێ جیاوازی دەکاتە ئامانج لە دوای بڵاوبوونەوەی ڤایرۆسی کۆرۆنا زیادی کردوە.
ئەو سەرچاوەیە ئەوەشی خستەڕوو، زیاد بوونی هێرشەکانی داعش لە کاتێکدایە بەبەردەوامی بنکە و بارەگاکانیان لەلایەن هاوپەیمانی نێودەوڵەتی دژی داعش بۆردوومان دەکرێت و بەهۆی ئەو بۆردوومانانەش ژمارەیێکی بەرچاوی بارەگای ئەو رێکخراوە لەناوبراون.
کۆدی هەواڵنێر: 60113
زیاتر بخوێنەوە
هەواڵی پێشوو و داهاتوو
بۆچوونی بەکارهێنەران